- प्रगत निर्णय सहाय्य प्रणालीमुळे पुणे आणि पिंपरी-चिंचवडला हवेच्या गुणवत्तेच्या व्यवस्थापनासाठी अंदाजाधारित आणि डेटा-आधारित निर्णय घेण्यास मदत होणार आहे.
- ‘क्लीनर एअर बेटर लाइफ’ (CABL) उपक्रम सरकार, उद्योग, शैक्षणिक संस्था आणि नागरी समाज यांना एकत्र आणून पर्यावरणपूरक आणि व्यापक स्तरावर राबवता येतील अशा उपाययोजना पुढे नेत आहे.
पुणे: अधिक निरोगी आणि शाश्वत समुदाय निर्माण करण्याच्या आपल्या वचनबद्धतेची पुनर्प्रतिबद्धता व्यक्त करत, एकात्मिक ऊर्जा उपाय पुरवणारी अग्रगण्य कंपनी कमिन्स इन इंडिया ने ‘क्लीनर एअर बेटर लाइफ’ (CABL) उपक्रमांतर्गत आणखी एक महत्त्वाचा टप्पा गाठला आहे. पुणे आणि पिंपरी-चिंचवडमधील हवेच्या गुणवत्तेच्या व्यवस्थापनासाठी प्रगत निर्णय सहाय्य प्रणाली (Decision Support System – DSS) चे उद्घाटन करण्यात आले.
कमिन्स इन इंडिया, सीआयआय (Confederation of Indian Industry) आणि नीती आयोग यांनी संयुक्तपणे संकल्पना मांडलेल्या CABL उपक्रमाने आज राष्ट्रीय स्तरावरील बहु-हितधारक व्यासपीठाचे रूप धारण केले आहे. या उपक्रमाद्वारे सरकार, उद्योग, शैक्षणिक संस्था, नागरी समाज आणि स्थानिक समुदाय यांना एकत्र आणून स्वच्छ वाहतूक, स्वच्छ इंधन, स्वच्छ उद्योग आणि जैवइंधन/बायोमास व्यवस्थापन या चार प्रमुख कार्यगटांच्या माध्यमातून वायू प्रदूषणावर उपाययोजना केल्या जात आहेत.
ही DSS प्रणाली पुणे महानगरपालिका (PMC), पिंपरी-चिंचवड महानगरपालिका (PCMC) आणि एअरव्हॉइस (Airvoice) यांच्या सहकार्याने विकसित करण्यात आली आहे. या प्रणालीमुळे महानगरपालिका प्रशासनाला अधिक सक्रिय आणि डेटा-आधारित निर्णय घेता येणार असून शहरी हवेच्या गुणवत्तेत सुधारणा करण्यास मदत होईल. ही प्रणाली ७२ तासांपर्यंतच्या हवेच्या गुणवत्तेचा अंदाज तसेच वेळेवर उपाययोजना आखण्यासाठी उपयुक्त माहिती उपलब्ध करून देईल. यामुळे प्रदूषणाची हॉटस्पॉट्स ओळखणे, नव्याने उद्भवणाऱ्या प्रदूषणाच्या घटनांचा अभ्यास करणे आणि संभाव्य प्रदूषणाच्या परिस्थितीचा पूर्वअंदाज घेणे शक्य होईल.
श्वेता आर्या, व्यवस्थापकीय संचालक, कमिन्स इंडिया लिमिटेड आणि सीआयआय क्लीनर एअर बेटर लाइफच्या अध्यक्षा म्हणाल्या, “प्रत्येक शहरासमोर हवेच्या गुणवत्तेबाबत वेगवेगळी आव्हाने असतात आणि त्यामुळे प्रत्येक शहरासाठी वेगळ्या उपाययोजनांची आवश्यकता असते. दिल्लीपासून पुण्यासारख्या शहरांमध्ये या सहकार्याच्या मॉडेलचा विस्तार करून आम्ही अधिक स्वच्छ आणि सक्षम शहरी वातावरणाचा आदर्श निर्माण करत आहोत. सरकार, शैक्षणिक संस्था, उद्योग, तांत्रिक संस्था आणि स्टार्टअप्स यांना एकत्र आणून शहरनिहाय प्रदूषणाच्या स्रोतांवर आधारित, डेटा-आधारित आणि स्थानिक गरजांनुसार उपाय विकसित करण्यावर आमचा भर आहे. वाहतूक, बांधकाम आणि इतर प्रदूषण स्रोतांवर लक्ष केंद्रित करून जिथे सर्वाधिक गरज आहे तिथे मोजता येईल असा सकारात्मक परिणाम घडवून आणण्याचे आमचे उद्दिष्ट आहे